O frío destos días notouse e sodes bastantes os que acudíchedes a nós con molestias oculares, por iso, queremos deixaros uns conselliños para que coidedes a vosa saúde visual nesta época.
Un dos síntomas máis habituais en inverno é o aumento da sequedade ocular, producida, principalmente, pola evaporación da lágrima a consecuencia do vento e da calefacción. Para evitalo, podemos poñer gafas (de sol ou graduadas) que protexan os ollos do vento e utilizar lágrima artificial para rexenerar a lágrima natural.
Esta sequedade adoita producir picor e escozor ocular, mais debemos evitar rascarnos para non producir inflamación nas diferentes estructuras do ollo.
A alimentación rica en ácidos grasos e omega-3 mellora a calidade e cantidade da lágrima, mellorando tamén a sequedade ocular.
Por outra banda, se somos afeccionados aos deportes de inverno, debemos protexer os nosos ollos sempre con gafas de protección axeitada ás condicións climatolóxicas e homologadas para iso. Por exemplo, nos deportes de neve o filtro solar necesario para unha visión segura é o de categoría 4.
Se cumplindo estos consellos non notades melloría, pedide cita para unha revisión visual completa no noso centro de Pontevedra e axudaremosvos a atopar unha solución eficaz.